ஒவ்வொரு முறையும்
ஒரே மாதிரி தான்
நிகழ்கிறது.

அவனிடமிருந்து விலகி
நான் தேடும் துண்டு
எப்போதும்
அருகில் இருப்பதில்லை.

காமம் வழிந்தோடிய பிறகான
நிர்வாணம்
ஒவ்வொரு முறையும்
அசௌகரியமே.

குளியலறைக்கு ஓடும்
எல்லாச் சமயங்களிலும்
என்னை விடாமல் 
துரத்தும்
அவனது பார்வை.

தரையில் இருந்து துணிகளை
இன்னும் எவ்வளவு என
ஆயாசமில்லாமல் 
அணிந்ததில்லை
நாங்கள்.

மஞ்சள் வெளிச்சம்
வெக்கையின் மணம்
ஹாரன் சத்தம்
அவசரத்தின் நடுக்கம்
வறண்டுப் போன நா
இவையே எப்போதும்
இறுதி இசை.

தீவிரத் தாளத்தோடு
இசை அறுபடும் 
இறுதி நொடியில்
தவறாமல்
நடுக்கத்தோடு பார்ப்பேன்
... உருகி 
என் கால்களுக்கு இடையே ஓடி 
கரையும்
                               → படுக்கை!